[ندعوك للتسجيل في المنتدى أو التعريف بنفسك لمعاينة هذه الصورة]أيوه حقولها بأعلى صوتي
وحفضل أكرر فيها لحد موتي
وميهمنيش يتقال عليا مغرورة
أو بنت شايفة نفسها ومنفوخة
ليا حق إني أرفع راسي
و على عفتي أبقى أنا مسنودة
أيــــــوة انـــــا مـــبـــــصــــاحــــبــــش
و مش مضايقة ولا مخنوقة
! أو مـ المتعة أنا محرومة
بالعكس ده من غيري محسودة
ومن اللي بيفهموا أنا مطلوبة
أنا بنت عشت وحعيش شريفة
و حيائي ده ليا ميزة
عـ الأخلاق حفضل ماسكة
وعـ القيم دايما حكون ثابتة
أنا عشت و هعيش بعفتي
و بيها حفضل طول عمري فخورة
إيدي متمسكتش
وعمرها ما هتبقى ممسوكة
أنا جسمي عليا غالي
ميبانش إلا لحلالي
وعمري ما هفكر إني أخونة
أو أضيع حق من حقوقه
ده أنا بنت ناس طيبين
متعوب عليا كتير
مبعش نفسي بالرخيص
عشان حنيّه لوحدتي تكون تعويض
أو كلمة حلوة تخلي
ثقتي فـ نفسي تزيد
و كل ده لحد ميستاهلنيش بس
عايز يلعب بيا و يضيّع وقت فراغه عليا أنا
أضحيله بنفسي وهو يبيعني و يجرح فيا شخص
استغلالي مليان أنانية
أنا بالنسباله هدف و غرضه الاستمتاع بيا
شغلته هي التحكم فيا ماعاش اللي
يفرض نفسه و سيطرته عليا
أنا روحي للمعصية أبيّه
الطاعة بالنسبالي هي الحرية
أنـــا قـــلــــبـــي مـــلــــك ربـــــي
وربـــي ده حـــبـــيـــب قـــلـــبـــي
فابعد عني يا ابني
وإياك تحاول تكسبني
ده أنا رضايا صعب الوصول
والنظر ليا ده شيء ممنوع
أما حبي بقى فيحتاج حروب
واوعى تفكر إنك عليا تلف و تدور
و تفضل تقول فـ كلام معسول
لا لا أنا مش من دول
أنا اللي احترامي جزء من كياني
أنا اللي علاني
جعل الجنة تحت أقدامي
!! وقالك أوعى تلمس ده
أنا اللي ربنا خلقك فيا
وجعلك قوام عليا
واللؤمة تحطها فـ بقي تبقالك صدقة
وتكون منك رومانسية
وإن جربت تخلي إيدك تحضن إيديا تنزل
ذنوبك من بين دفا العشق اللي هو طاعة ليا
بص يا ابن الحلال
أنا غير طريق بيتنا معرفش أوصف
و غير جوزي مبحبش
طريقي واحد مليش لغيره سبيل
يا حلال وربي راضي
يا تشوفلك غيري
وواضح كلامي
أنا قلت كل ده عشان عايزاك تحافظ عليا
ومتشوفنيش سهلة او لحبك مستنية
صحح مفهومك أنا عن رضا ربي وحب النبي مش مستغنية
يا ريت تقدر إن ضعفي ده قوة موجودة فيا
وحياتك مش حيكون ليها طعم إلا بيا
وعمرك ما حتعيش سعيد إلا برضا ربنا عليك وعليا
الأحد 10 أغسطس 2014, 7:56 pm من طرف 
